夜煲【刑事偵緝檔案】，學習情侶相處之道

　　深夜煲劇，才發覺舊橋段的可愛之處。

 

 

　　距離首播畢竟已經有廿二年，【刑事偵緝檔案】從警匪惡鬥以至感情角力，都留有一種舊時代的味道；尤其描寫男女間的錯摸，每每令人有種「張大勇，好心你咪咁婆媽！」的回響。

 

　　刑偵系列，其實也是一般都市人的縮影，只差當年未有「港女」、「進擊的小三」等等用語。尤其來到第二輯，由郭可盈飾演的Jessie與郭藹明飾演的Carmen，便活脫脫將這兩種個性表現得淋漓盡致。

 

　　「你鍾意Jessie定係Carmen？」我問了好幾位朋友。女子組一面倒支持Jessie，同時痛罵介入別人戀情的Carmen是賤女人、心機女、扮可憐。而男性友人的答案則來得比較深入：「你問我揀Jessie定Carmen，我覺得鍾唔鍾意Carmen係其次，問題係Jessie呢種女人根本掂不得。」

 

　　Jessie三案罪：不尊重男友的工作、動輒用分手作籌碼、將追求者當成水泡

 

　　身為末代「皇家香港警察」，張大勇的職責自然就是緝兇。然而，每當Jessie的親人涉案，被張Sir帶走問話之時，她總是第一時間對男友黑面、起槓、發脾氣。平日擅長以文字為正義發聲的記者，竟然一下子變得無理取鬧，拒絕諒解男友的處境；她是質疑男友的辦案能力，怕他沒法為親人洗脫嫌疑嗎？「男人咁辛苦做嘢，換來自己女友不斷咁發脾氣，正常人都氣餒啦！都唔好計平日為咗做嘢而遲到，被女友狂鬧嗰筆。」男友人說。

 

　　發脾氣得不到成效，下一步就是提出分手，可幸幾乎每次瀕臨分手邊緣，張大勇仍然選擇息事寧人，即使如何委屈亦甘願哄回女友。而於第二輯觸發漩渦的一幕，是Jessie瞎說與追求者正在發展中，讓張大勇意識到大家「正式」分手。惟過後眼見張Sir真的與進擊之小三Carmen戀上，才後悔將男友雙手轉送給別人。然後的戲碼是聲淚俱下自認任性，央求復合。「我懷疑張大勇係咪被佢落咗降頭，咁都仲肯同返佢一齊。」有甚麼稀奇？這世上本來就充斥著「一個願打，一個願捱」的完美組合；況且，愛情本來就無從解釋。

 

　　復合之後，原先被Jessie誤形容為成功入選的追求者，與及升級為準張太的Carmen，頓時變成砲灰。一句「唔想再呃自己」，就替一塌糊塗的張大勇和Jessie勉強開脫了，誰會怪責當初是張Sir有意無意給Carmen製造假希望？是誰三番四次挑戰女友忍耐底線？又有誰會在意追求者被利用後的感受？

 

　　「好嘅女友，係有責任令男友無後顧之憂咁去拼搏，而唔係郁啲發脾氣，成日要人氹真係好麻煩，我寧願single好過。」當大部份女性都傾向支持正印女友打擊小三之際，還是些微弱聲音告訴你：「我唔會被自己咁委屈。」

 

　　別以為所有男人都患了斯德哥爾摩症後群。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】港鐵失倫敦伊利沙伯線專營權，你認為「國際化」遇挫的港鐵應否將重心轉移回本地？► 立即投票