【終極面試題目】求職者與HR大戰「上司永遠是對的」！網民︰完勝HR又如何？

　　「上司永遠是對的」這個陳述相信不是每個打工仔都會同意，最近就有網民於討論區發文，分享自己於見工時與HR爭論「唔一定要百分百服從上司」的問題，更提出6大原因令「HR完全無晒聲出」：

 

1. 我係人，我唔係奴隸！

2. 盲目服從權威係弱智行為，只有亞洲人先咁低賤！高級過我唔係大曬！

3. 唔服從咁又點？大不了咪炒我，我有賠償仲著數！

4. 上司都會有錯，明知上司錯都要跟係愚蠢行為！

5. 上司要下屬100%服從即係個上司廢，淨係一味靠惡，即係無料！

6. 上司都係打工，如果個上司下下留難我，我都可以玩嘢整走個上司！我日日俾獲佢孭！

 

（內容節錄自網上討論區）

 

網民：贏左場交輸左份工

 

　　網民對事件反應兩極，有網民指事主今次是「贏咗場交輸咗份工」，交換角色的話會先「交戲」，成功應徵再算。亦有網民問事主：「完勝HR又如何？」，HR只是不想浪費時間才不與事主爭論。另外有網民認為事主的不服從，不是完全不聽從上司指示，而是指當上司行為有損公司和客戶利益、形象和聲譽時，才不跟從命令。

 

網民反應

 

網民A：只能陽奉陰違，職場好現實

網民B：HR問呢啲問題係睇你做人同做事態度，無一定答案，人地唔出聲表面係你贏左，實際你自己諗，人地都費事教精你。

網民C：不得不比個讚你，咁真誠嘅Candidate真係好少有。

網民D：適當場合做適當嘅嘢，做人基本守則。

 

Read more: 【鐵飯碗的苦】政府工還是「正苦」工？「老屎忽」金句連連逼得下屬爆煲

 

Source: CTgoodjobs

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇