【唔知好嬲定好笑】仲送康乃馨？精選5款搞怪母親節禮物

　　仲有三日就到母親節，不論你是Deadline fighter還是一早預備好禮物的乖寶寶，都可以「參考」下小編為你準備的母親節禮物清單。但小編要在這裏戴定頭盔先…因為，萬一你跟住送呢啲禮物俾母親大人，輕則「哦你幾日」，重則「一個月無飯食」；不過，亦唔排除有媽媽係會開心的，咁大個人，自己執生啦！（微笑Emoji）

 

1. 花膠花

 

　　講到母親節，好多人都會送康乃馨嚟表達對媽媽的愛意。但是，鮮花會凋謝，最後都要扔到垃圾桶。為了大家不要加重堆填區的負擔，不如送一束食得嘅花——花膠花。

 

睇得又食得，媽媽「應該」喜歡吧……

安記瑰麗傳情花束　$668

如果有得送貨就好，小編唔想喺街拎住，因為……太足料，好重啊！

安記慈愛馨情花束　$998

 

2. 文青課金之選：手作金錢花／帽

 

　　如果略嫌煮花膠麻煩，不如索性送錢，讓媽媽自己去買喜歡的東西。但送錢也要送得有心思有態度！大家真的要向台灣和內地的網民好好學習，他們DIY了一束「金錢花」和「金錢帽」送給媽咪……

 

真係你送埋我個份……因為小編無咁多錢啊！（網上圖片）

細細枝都OK嘅……（網上圖片）

 

　　以下就是震驚13億人口的「台幣帽」，手工也太好了吧。希望媽媽會戴住去街市，唔夠錢俾就係個頭到抆一張出嚟，連排隊㩒錢的時間都省下，好窩心的禮物！

 

傳說中的「台幣帽」！（圖片來源：爆廢公社）

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇

• 1
• 2