【50年功力練成一籠點心】與扮工專員體驗點心師傅的巧手匠心！

扮工專員大戰叉燒酥

 

　　在平日的下午時分，小編踏入正在「落場」的茶樓，裏面少了一貫的熱鬧，只見師傅們在開放式的廚房中默默地準備晚市。好吧，就讓我這個「扮工專員」為落場的各位提供一點娛樂，搞一搞笑啦！

 

　　每一次「扮工」，小編都本著一個信念——「輸人唔輸陣」。所以，立刻換上制服，令自己徹頭徹尾成為一個看似很專業的點心師傅。

 

　　在這次的扮工中，點心師傅平哥，會教小編整兩款經常吃到的點心，分別是陳皮叉燒酥和冬菇燒賣王。說真的，食就食得多，要整就真係未試過；加上，小編平時只會煮公仔麵，仲要懶到連碗都唔想洗，直接用個煲嚟食個啲「世紀大懶人」……沒辦法啦，硬著頭皮都要做，只祈求明天不會肚痛就好了。

 

有得食就最開心！

 

　　首先，我們第一個點心是整叉燒酥。本身看到平哥手起刀落地把叉燒切成一片片，小編想必「難極有限」；誰不知，當我在切叉燒時，根本切不到「一片片」的狀態，反而令叉燒「粉碎」了。幸好，平哥說：「最後都會將叉燒切碎，唔緊要啦，啲客睇唔到嘅。」哈哈，眼不見為乾淨就是對了～

 

廚房術語「黑雞」就是形容叉燒上的黑色位置。

 

　　但是，第二個難題來了——搓酥皮。以為這個步驟像玩泥膠般容易？拜託，唔好咁天真啦，因為小編我完全拿捏唔到「陰力」，搓到歪歪斜斜、厚度不均。最後，平哥多次「睇唔過眼」而出手協助，才能完成。

 

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

想要獨家投資理財Tips？即Like etnet 全新Facebook專頁► 立即讚好

• 1
• 2
• 3
• 4