一連四星期的夏日去脂湯水，今期已是最後一篇，大家記住各種食材的效用，日後都可以自行配搭，作日常的保健湯水或用來做出有營養的菜式。

　　提起用生果煲湯，天氣乾燥時大家一定會想起用雪梨煲湯，但好少人想起會用蘋果煲湯。其實煲湯唔一定要多複雜材料才夠營養。

　　只要食材配搭適宜，起了食療功效便可。

　　粟米有利尿功效，能去除水腫性肥胖，蘋果有助腸胃消化，刺激腸道蠕動，促進排便，每日吃一個已幫助身體排毒。若果平日想多喝此湯水，可以唔落瘦肉去煲都可以飲用。

烹煮時間:  2小時30分鐘

材料(4人份量):

　　蘋果 3個、粟米 2條、瘦肉 300克、清水 2500毫升

做法:

　　1. 蘋果清洗，去芯切件。

　　2. 粟米去衣，沖洗切件。

　　3. 瘦肉沖洗後，可以預先用滾水煲3-4分鐘去除表面污垢。

　　4. 將清水放入大鍋內，將所有材料加入，用大火煲至滾起，才改用中火煲2小時，加入適量鹽調味即成。

韋太小貼士:

　　1. 蘋果有助腸胃消化，刺激腸道蠕動，促進排便。粟米有祛濕利尿功效。

　　2. 此湯水有利尿效果，能針對水腫性肥胖。女士們常飲能令皮膚有光澤及能達至瘦身效果。