2022-06-02Text: Yan ChungPhoto: 由酒店提供

6月自助餐推介！主題勁多勁吸引Buffet！任食凍波士頓龍蝦生蠔鴨肝／蟹癡盛宴／泰式燒烤／食肉獸派對／名店港式情懷

#2 大擦豬牛羊！屬於食肉獸的自助餐：Eaton HK普慶餐廳

　　食自助餐，就要無視膽固醇，盡情大魚大肉。Eaton HK的普慶餐廳由今個月初起，推出「酒‧肉‧朋友」自助餐，顧名思義，是要滿足食肉獸多個願望！自助餐有超過50款經典肉類菜式，大部分以配合夏天風情的燒烤方式呈現，包括烤美國頂級USDA西冷牛扒、澳洲肉眼扒、烤加拿大豬鞍、意式烤豬腩肉卷、燒牛骨髓、烤西班牙黑毛豬肋骨、香腸拼盤和香草煎羊架等等。

普慶餐廳推出「酒‧肉‧朋友」自助餐，充滿節慶派對的豐盛感。

（圖片來源：EATON HK）

　　除了以上經典西式燒烤肉類美食外，還有多國菜式，必食韓式燒肉及日式燒鳥專區，韓式燒肉專區供應一系統地道的烤肉，如烤牛仔骨、醃豬腩肉、韓式牛肉，配搭韓式辣醬及麻油等香濃蘸醬、新鮮蔬菜以及多款泡菜。日式燒鳥專區，大廚預備了超過十款不同部位的烤雞串，包括必食的雞翅、雞皮、免治雞肉棒、葱燒雞肉串，甚至刁鑽一點，亦有雞胗、雞肝、雞屁股等，既可作鹽燒亦可作汁燒，猶如置身日本居酒屋。另外還有新疆羊肉串、水煮牛肉、粵式炆牛腩、牛肉鍋貼、越式牛肉河肉、北京片皮鴨、八寶鴨、四川辣子雞、糖醋骨、東坡肉及四川口水雞等。