被網民騷擾致情緒起伏 菊梓喬︰有啲毛管戙

　　【晴報專訊】菊梓喬（Hana）日前在社交網自爆被變態網民恐嚇，對方聲稱要「剝晒（Hana）啲牙」，Hana難忍對方持續的網絡攻擊，在Facebook專頁上發帖指︰「我唔會怕你的。」不少粉絲都留言表達支持及關心，惟Hana不久後就刪除了貼文。昨日Hana出席簽名會，獲不少粉絲到場應援，她直言對被恐嚇一事感到毛管戙，但未有介懷對方攻擊自己爆牙。

Hana直言刪除帖文是為了保護小粉絲，不希望他們看到恐嚇留言。

　　菊梓喬昨日到灣仔會展舉行簽名會，她笑言只化了半粧，因為本以為人多，沒有機會除口罩，Hana笑謂︰「下次會扮靚啲先見fans。其實上年十月之後都未有公開同fans見面，我好開心佢哋等咗我接近一年，再拎隻碟畀我簽名，呢一年見唔到fans真係有啲唔開心，以前差唔多個個禮拜都見一次。」

處女作失利未有洩氣

Hana昨日獲不少粉絲到場支持，讓她大為感動。

　　另外，Hana日前在社交網站發文表示被網民騷擾，她在文中聲稱不怕對方，但卻很快刪文。Hana昨日解釋只是一樁小事，惟對方一直以不同帳號騷擾她，令她有些情緒波動。問到會否怕遇襲？Hana說︰「有啲毛管戙，其實刪文係為咗fans着想，唔希望小粉絲睇到會嚇親。（對方攻擊你天生爆牙？）唔會有心理傷害，本身對外貌唔係咁介意。」

　　至於新歌方面，Hana表示正忙於籌備中，將會與新班底合作，稍後便會錄音。而提到有份演出的劇集《刑偵日記》收視未如理想，Hana透露無綫已計劃開拍新一輯，希望自己能繼續參與，而她笑言仍陶醉在自己的演出中，並說︰「我唔會對拍劇失去信心，我今次演變態殺手，但咩都無做到，下次想演真係郁手殺人嘅角色。」

轉載自: 晴報

【香港好去處】etnet全新頻道盛大推出！全港最齊盛事活動資訊盡在掌握！► 即睇