否認郭晉安離巢無綫 歐倩怡︰老公全職湊仔

　　【晴報專訊】近日有網民發現郭晉安的資料在無綫官網上「被消失」，即傳出他不續約的消息。前晚郭晉安太太歐倩怡（Cindy）出席無綫節目錄影，對於老公離巢一事，她代為否認；不過Cindy直言因疫情關係，安仔不少工作要擱置，現時正全職做湊仔公。

 

Cindy指自己仍有興趣唱兒歌。

 

　　歐倩怡前晚錄影《兒歌金曲SUMMERFEST》，提到她24年前主唱卡通片《櫻桃小丸子》的片尾曲《問題天天都多》，現時依然穩佔網上投票的榜首，Cindy笑言︰「投自己票嘅人相信都已經做晒父母。」她直言一對子女都沒有聽過這首歌，反而多聽韓文及英文歌，她又希望香港能有更多兒歌︰「近年少咗香港兒歌，但我好希望可以傳承落去，如果有唱片公司搵我都可以再唱。」

 

Cindy與安仔結婚多年，依然十分恩愛。

 

　　至於有傳老公郭晉安離巢TVB，Cindy解釋道︰「其實佢依家都係一年一、兩套劇，啱啱先拍完《白色強人II》，我無聽過佢話唔簽約…不過疫情後有好多工作都停咗，佢依家全職湊仔，而我就全職讀書。」Cindy表示正攻讀運動營養學碩士學位，明年畢業便可成為註冊運動營養師。問她是否可以養起老公？Cindy笑謂︰「佢片酬好高，唔使我養啦，佢拍多幾套劇好過。」

 

Gin Lee榮幸與張學友合唱

 

Gin Lee首度出席兒童節目，她表示有興趣推出兒歌。

 

　　另外，同場的李幸倪（Gin Lee）會在節目上唱出動畫《魔雪奇緣》的主題曲《Let It Go》，但「唱家班」Gin Lee竟被考起，她說︰「無諗過首歌咁難唱，搞到我有少少後悔。」談到Gin Lee近日與「歌神」張學友合作推出新歌，她大感榮幸，但亦感到非常大壓力，「前排拍好咗MV，我好多謝學友嘅配合，因為要去郊外，我哋都曬咗幾個鐘。今次可以同佢合作，係我歌手生涯入面一件好威水嘅事。」

 

轉載自: 晴報

• 

【你點睇】特朗普勝出美國總統大選，你點睇未來數年的世界局勢？你認為中美關係前景會如何？► 立即投票