榮升麻甩系女神 練美娟：我代表香港一小撮女仔

　　【晴報專訊】練美娟（娟姐）憑ViuTV劇集《大叔的愛》的「Carmen姐」一角上位，戲裏一幕「手撕雞髀」成為熱話，戲外的她同樣大情大性，主持節目時又常常以沙啞聲線叫嘉賓「飲啦」，令她多添幾分麻甩味。這位麻甩系可愛女人，在一眾性感、甜美或氣質型女星中可算異數，她說：「我相信喺某個角落，充滿好似我呢啲咁麻甩、咁無所謂嘅女仔。」

 

 

　　90後的練美娟，在《大叔的愛》中扮演八卦為食的Carmen姐，跟「平哥」楊偉倫約會時，更豪邁地一手撕開雞髀。娟姐重提這一幕時搞笑說：「其實我唔明大家點解咁驚訝，手撕雞髀好容易，滷水喎，浸到淋晒！」娟姐不是娛圈新鮮人，她讀大學時已主持Now TV大學生節目，畢業後亦從事娛圈相關工作，到17年才加盟ViuTV做藝人，但做演員從不是她的夢想。「由細到大表演慾強，我鍾意唱歌，又諗過參加香港小姐。但大個咗覺得無乜特別，只係讀書修嘅科目、工作，全部都同娛樂圈有關，我覺得係緣份。雖然入行唔係我嘅夢想，但呢份職業令我每日都好歡樂。」

 

曾住劏房不覺經歷低潮

 

　　入行後，娟姐試過半年零收入，更要住劏房，她不以為然。「好多人問我低潮係點樣，其實我覺得好多人比我更低潮。做得呢行，應該無人會預計自己會搵到好多錢，因為我覺得入行係熱誠大於收入。我入行頭三年，除咗生活開支，仲要畀家用，加上我養狗，又搬出嚟住，負擔係好大但無辦法，呢個係自己選擇，所以唔覺得嗰段時間係人生嘅低潮，因為我好睇得開。」

 

娟姐在《大叔的愛》中咬牙切齒手撕雞髀，相當可愛。（網上截圖）

 

　　娟姐在《大叔的愛》的演出，為她帶來名氣，「我無諗過觀眾會咁鍾意，我問過劇組人員，我會唔會演得太活潑？太作狀？到慶功宴時，無論打燈叔叔定收音哥哥，個個都話『我鍾意你，你令到成個氣氛好開心，你繼續努力』，連工作人員都鼓勵我，真係好感恩。」

 

唔敢高攀做「君如2.0」

 

娟姐自爆主持《晚吹 - 有酒今晚吹》時飲醉，慶幸有酒品所以沒出醜。（IG圖片）

 

　　網民常說「搵女友最好搵麻甩女漢子」，娟姐正是人辦，自認粗魯的她，其實在幕前已經收斂。「朋友見到我嘅幕前演出，都唔覺得出奇，因為私下嘅我係更瘋癲，某程度上，我代表香港一小撮女仔。」她在《晚吹-有酒今晚吹》一邊飲酒一邊主持，她坦言：「頭幾集我真係飲醉咗，雖然話工作需要，但要拿捏分寸，做幕前要有榜樣，做公眾人物要有責任。我嘅底線飲還飲，但唔好再飲醉！」有網民讚娟姐是「吳君如2.0」，她笑說：「多謝大家咁大頂高帽，我認同自己帶畀大家歡樂，但我真係唔敢高攀，呢個名太大，接唔住呀！」

 

做手術變走招牌沙聲

 

娟姐屬「有料之人」，偶而在社交網派福利，大受網民喜愛。（IG圖片）

 

　　娟姐說話大大聲，聲線相當沙啞，麻甩味更重。不過現在的娟姐聲音清脆得多，原來她早前做手術割除聲帶瘜肉。「我唔係天生聲沙，大學畢業後開始講嘢『揮霍無度』，成日大叫、唱K、玩天光先搞到咁。」她坦言覺得沙聲有特色，沒想過正視問題，但拍攝《大叔的愛》時跟黃德斌熟稔，「德斌叫我整好把聲，日後無論做主持或演戲，角色變化更大，直情當頭棒喝！」手術後娟姐接受言語治療，重新學習發音，笑言現在的聲線變得優雅大方。

 

 

轉載自: 晴報

• 

【etnet 30周年】多重慶祝活動一浪接一浪，好禮連環賞！ ► 即睇詳情