【山竹過後】他還值得你跟隨嗎？用一場颱風看清腦細的真面目

　　衰腦細係點？睇埋落去你就知！

 

（－Level 1）

 

　　雖然返工係打工仔嘅責任，「8號波」落埋山就更加冇埋唔返工嘅理由！不過今次「山竹」所造成嘅破壞非常驚人，唔單只發生多宗塌樹、塌棚架、車輛被吹翻嘅情況，就連巴士都宣布停駛！喺咁嘅情況下，腦細嘅不聞不問絕對都係一宗罪！

 

（原相：Poppy Wong　製圖：Lam Ching Ho）

 

（－Level 2）

 

　　不聞不問都算，更離譜嘅係，竟然有腦細叫員工「世界末日都要返」，真係好冇人性！雖然呢個腦細都可能只係得把口講下，不過喺呢個「民怨四起」嘅時刻，呢句說話絕對係難聽過粗口！

 

（Facebook截圖）

 

（－Level 3）

 

　　但最激起「民憤」嘅，一定係有腦細話要「執正嚟做」，話如果員工冇辦法喺中午12點前返到公司，就會當「礦工」（曠工）處理，而且仲要收書面警告。諗住請病假可以過骨？點知腦細就話要按正常程序，喺當值時間前至少兩個鐘前請假，如果唔係就會當遲call sick處理，一樣要收口頭警告，唔怪得有唔少網民都大鬧呢位腦細係「極權公司賣豬仔」！

 

（Facebook截圖）

 

　　但一山還有一山高，有腦細仲搬埋「公平原則」出嚟，講到明12點後先返到舖頭嘅主管要扣一日糧加一日本月個人利潤，返唔到嘅就要扣兩日糧加兩日本月個人利潤！

 

（連登討論區截圖）

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】港鐵失倫敦伊利沙伯線專營權，你認為「國際化」遇挫的港鐵應否將重心轉移回本地？► 立即投票

• 1
• 2
• 3