揀女朋友 梗係要揀個有樓

　　朋友P先生失戀，前女友留下一句「你畀唔到我想要嘅野」，難為我要聽他怨天怨地，怪女朋友不愛他，狠心離去。他說「我未必會遇到比她好的人了！」，他女友有多好，令他遲遲未能忘懷？

 

　　我忍不住問：「你喜歡她什麼？」

 

　　P先生想了一想，說：「她條件好啊，英國碩士畢業，出身好，宜家人工都有番咁上下。」

 

　　還以為他劈頭會讚前女友溫柔體貼、性格開朗之類，原來口中所說的條件好全都是經濟條件，那性格呢？他全程提都無提過。

　　他自顧自的繼續說：「她屋企早就安排好，買了間港島區的私樓給她，結婚的話即刻有樓住。阿媽都提我，話咁好條件的女朋友，唔好錯過。」

 

　　不止阿仔鐘意，連阿媽都好鐘意，因為個女仔條件好，啊，是經濟條件好。原來現在揀女友、揀新抱首要考慮有無經濟效益？中產出身、放洋回來，有樓揸手的女朋友，當然不要錯過，性格、相處？不是重點啦，有層樓可以捱少幾年，在現今社會，這不是更重要嗎？ 

 

　　我這位朋友又是什麼人？港男一名，家境一般，Asso畢業，無心無力再拎張Degree。平時愛打機、上網睇娛樂八掛多，返工？典型返工等放工，前程？今年30的他，說無特別諗過。

 

　　前女友說的「你畀唔到我想要嘅野」，說白了不過是指他配不起她。如此好學歷、經濟條件的女仔，有大好market，你要「唔好錯過」，亦有人想「抓緊機會」，一定輪到你？一個無上進心，人生最強目標是找個有樓女友的人又怎會留得住她？你會計數，別人都會計數，你要求對方有財力，你又有令人欣賞的地方嗎？憑什麼來交換？無膊頭，只著眼對方能不能令你少捱層貴樓，我好相信P先生真心愛她，真心愛她背後的錢！

 

　　上一輩教落，搵老公要搵個努力上進，有經濟能力的，現在的男仔同樣會為自己將來打算，最高志願可能是搵個贏在起跑線，無家庭負擔、有樓揸手的女朋友，免首期，最好再免供款，捱少幾十年啊！

 

　　識揀女朋友，一定揀個可以令自己下半世無憂？對方性格好不好？可能他們會反問你，值錢架？

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】港鐵失倫敦伊利沙伯線專營權，你認為「國際化」遇挫的港鐵應否將重心轉移回本地？► 立即投票