只在家約會，拖友還是炮友？

　　Annie「出pool」了幾個月，期間有如人間蒸發，難得她終於出現，立即被姐妹們七嘴八舌地追問新戀情。

　　「恭喜哂啊，告別單身啦你。」

 

　　「熱戀期喎，一定sweet爆啦！」

 

　　「呢排玩失蹤，你地兩個掛住去邊玩啊？」

 

　　Annie笑著回答：「我哋都係一齊咗幾個月之嘛，都無特別做咩啦，多數喺屋企。」

 

　　姐妹們立即搶答：「咁快二人世界啦？！」「無出去咩？」

 

　　她續說：「我哋好少出去啊，喺屋企多。」　

 

　　看著Annie如沐春風的模樣，擺明就是熱戀中的女人，但拍拖以來都好少出去，大部分時間留在家？ 

 

　　我忍不住插嘴：「你地一開始已經係咁喇？無出街食飯、睇戲？」

 

　　她有點愕然：「我想出去架，但次次約會地點都係屋企，咁我地都係睇下電視、食下嘢，同埋……上床囉。」

 

　　Annie說到這裏，我隱約覺得不對勁，何以一對拍拖已幾個月的情侶，出街次數竟然寥寥可數？雖說無幾個男人鐘意陪女人行街，但才剛剛一齊，會外出拍拖本就很正常，誰要一開始只在家裏約會呢？！

 

　　當約會只包括在家見面和上床，就連幾個月以來在公眾場合吃個飯、拖個手的次數都少得可憐，這種拍拖怎麼看都不見得是正常交往。所謂的約會，其實和約你在家中開炮，不能見光的又有甚麼分別？拖友還是炮友，可能只是一線之差。

 

　　一個不願意和你公然出雙入對的男人，我只想到一個原因──他不想你倆的關係曝光，可能是因為他未認定你，不想毀了自己market，又或是他另有女友，怕被人撞破，所以活動範圍縮窄在家中最為穩妥。

 

　　後來，這段戀情不到半年便結束了，原因是Annie發現她男友有個拍拖多年的女友。他為背著正印偷食，當然和新女約會只選擇在家進行啦，避免出外被斷正嘛。而Annie只是他家中炮友名單上的其中一人……

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】港鐵失倫敦伊利沙伯線專營權，你認為「國際化」遇挫的港鐵應否將重心轉移回本地？► 立即投票