男人英文差係死罪？

　　「你前排同個男仔約會成點呀？」姐妹情事，怎能不八掛下。

 

　　「出去一次已KO。」她嘗試輕輕帶過。

 

　　「咁快收人檔？」

 

　　「英文差，溝通唔到囉！」

 

　　「真係差定你嫌人呀？」

 

　　「喂，食飯落order嗰陣，我話牛扒要medium rare，佢問我即係點？！我同waiter拎mayonnaise，佢又問係咪要茄汁，以為茄汁有其他名喎，我都唔知俾咩反應佢！」

 

　　可能只點開茄汁，確實不知有mayonnaise的存在，但斷估也知茄汁的幾個英文名，不會覺得mayonnaise是茄汁新名吧？好了算了，那牛扒要medium rare，這兩個字很罕見，未聽過嗎？

 

　　「我用啲英文好深咩？英文差到咁，犯咗我嘅死罪。」她大笑起來，我buy。

 

　　就一餐飯及幾個簡單英文字便自揭底牌，Oh，聽不明白也可以憑著前文後理地去猜，不猜還希望對方字字翻譯中文？如此的英文程度，無論是外國畢業的她或是其他女生也該難以接受吧。約會有今次無下次，是有原因的。

 

　　英文差係死罪？這樣說肯定被批評好mean，嘿，但我同意喎，差到溝通不到，真是神仙難救。語言能力有高有低，不要求你英文聆聽、讀寫有A有B，操著純正流利的英文，就只是簡單的單字，足夠應付生活，有嗎？

 

　　英文字這回事不能太無知，這些字眼無需讀過很多書，有多好的學識背景，但不至於做人廿幾三十年也沒聽過吧！不知怎麼拼，可以，但至少要識聽，夠你出街食個飯及基本應用，不明白可以估，連估都懶，難度要對方只能全中文、零英文單字跟你聊天嗎？難頂也。

 

　　溝通又怎只是你一言我一語就叫搭得上嘴，嘿，不求你Cambridge、Oxford，甚麼高學歷，但至少英文正常，行嗎？

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】港鐵失倫敦伊利沙伯線專營權，你認為「國際化」遇挫的港鐵應否將重心轉移回本地？► 立即投票