老公鋼琴伴奏情深咀嘴 莫文蔚內疚穿涉辱華服飾拍MV

　　【晴報專訊】一連三場「絕色莫文蔚世界巡迴演唱會香港站」前晚圓滿結束，莫文蔚（Karen）請來張學友和李克勤擔任嘉賓，Karen的德國籍老公Johannes更為她彈鋼琴伴奏，為她最後一次的紅館騷畫上完美句號。至於Karen被內地網民炮轟穿上涉辱華的時裝品牌服裝拍MV，她補鑊稱自己疏忽，又感到很內疚。

 

Johannes為Karen伴奏一曲後，兩公婆甜蜜咀嘴大放閃光彈。

 

　　莫文蔚在疫情下邀請到歌神張學友「出山」任個唱嘉賓，觀眾的掌聲和歡呼震動紅館。Karen笑言已苦等學友35年，若然在唱歌生涯未能跟他合唱，將是人生一大遺憾。學友上台與Karen擁抱，又合唱《望月》，學友說︰「好耐無上嚟呢度，綵排嗰陣都忍唔住大叫一聲『紅館』！」他指今次是Karen的最後一個紅館騷，實在非常惋惜及遺憾︰「你哋要諗方法用誠意打動佢返嚟。」

 

孖張學友唱金曲

 

張學友希望Karen日後在更大的場地開騷。

 

　　Karen細說跟學友的淵源，她憶述當年有幸在一個戶外騷上為學友伴舞，熒幕展示當年兩人的合照，學友笑指︰「邊有咁靚嘅學生妹…睇見都欷歔，你到依家都無乜點變。」二人合唱《離開以後》、《只想一生跟你走》等串燒歌，學友笑指Karen選歌單時沒考慮他的年紀︰「我依家學嘢好慢，雖然記得辛苦，但我都記得晒，放心。」

 

Johannes為Karen伴奏一曲後，兩公婆甜蜜咀嘴大放閃光彈。

 

　　個唱尾聲時，Karen與老公Johannes表演四手聯彈鋼琴，然後Karen在老公伴奏下唱出《再生》，唱罷兩公婆即場甜蜜咀嘴，羨煞旁人。完騷後，Karen高呼好爽，又指今次碌盡人情卡請嘉賓︰「學友係我親自邀請佢，佢一口應承。」提到Karen在新歌《婦女新知2021》MV中，被內地網民炮轟她穿上涉辱華的時裝品牌服飾拍攝，Karen直認內疚︰「係自己疏忽，無得賴，平時着咩衫都唔care品牌，事實係需要care，今次無留意到，造型師借咩我就着，係一個好好嘅教訓。」

 

Karen在新歌《婦女新知2021》MV的衣着，誤中辱華風波。

 

轉載自: 晴報

• 

【你點睇】港鐵失倫敦伊利沙伯線專營權，你認為「國際化」遇挫的港鐵應否將重心轉移回本地？► 立即投票