TVB借《魷魚遊戲》宣傳《換命真相》 譚俊彥︰吸引多啲觀眾留意

　　【晴報專訊】無綫台慶劇《換命真相》緊接《我家無難事》於下周一晚首播，《換》劇男主角譚俊彥（Shaun）被指與熱爆韓劇《魷魚遊戲》男主角李政宰撞樣，令劇集更添話題，雖然Shaun曾表示不想抽水，但連無綫宣傳新聞稿亦指他挾《魷魚》效應成為視帝黑馬。昨日Shaun向本報表示拍攝《換》劇苦不堪言︰「因為劇中條條線都關我事，當時又要狂操fit！」

 

 

　　由黃偉聲監製的《換命真相》，主要演員包括Shaun、鄧佩儀、劉佩玥、張頴康、蔣家旻及朱敏瀚等，配搭新鮮。早前無綫發布的宣傳片中有震撼的冧樓場面，據知整個場口不足一分鐘，劇組卻認真對待，單是後期製作已花兩個月時間。今次《換》劇贏在起跑線，除了與《星空下的仁醫》同時成為台慶劇外，Shaun因撞樣韓劇《魷魚遊戲》主角李政宰而人氣急升，雖然他曾明言不想抽水，但連無綫宣傳《換》劇亦以此為話題，指此時推出由Shaun孭飛的台慶劇「有天時地利優勢」，Shaun更成視帝黑馬。另外，日前傳出無綫與ViuTV爭拍港版《魷魚遊戲》，有網民指Shaun及撞樣《魷魚》木頭人的炎明熹是演員不二之選，亦間接令更多人關注《換命真相》。

 

拍港版《魷魚》得啖笑

 

早前Shaun孖炎明熹惡搞《魷魚》經典場面呃like。

 

　　對於《換》劇被指挾《魷魚》氣勢播出，昨日Shaun回應本報澄清︰「其實《換》劇決定播時，《魷魚》仲未喺串流平台上架；之後人人討論《魷魚》，就撞正宣布《換》劇播。（官方宣傳都食住《魷魚》效應）？無辦法，始終吸引到多啲觀眾留意。」有傳TVB有意開拍港版《魷魚》，他聞言啼笑皆非︰「真係得啖笑，我相信暫時無乜機會發生，韓劇除咗要買版權，埋位開拍到播出街，熱潮早已消退，就算真係開拍亦唔輪到我。」至於新作成為台慶劇，他認同《換》劇的檔期比以往自己主演的劇集「靚仔」，但對視帝之爭抱平常心︰「暫時未睇其他對手作品，依家言之尚早，最緊要睇觀眾反應。」

 

《魷魚遊戲》熱爆全球，劇中李政宰（中）的命運扣人心弦。

 

角色笑住喊有層次

 

Shaun透露《換命真相》並非一般穿越劇，觀眾要與主角齊齊解謎。

 

　　Shaun又透露，當時一拍完《換》劇後兩星期，便要客串《拳王》︰「始終有擂台戲要操fit做準備，所以拍《換》劇期間勁辛苦，辛苦過當年拍《包青天再起風雲》。」他坦言落足心機拍《換》劇︰「成齣劇都係圍繞自己發生，條條線都關我事。」他透露角色層次豐富︰「我拍同一場口要做兩次，一次現實一次重生，但會戴唔同眼鏡去區分。新劇有少少科幻同天馬行空，我同鄧佩儀嘅愛情、同朱敏瀚嘅兄弟情，仲會同張頴康反目，我個角色經常要笑住喊，都算多層次。」

 

轉載自: 晴報

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇