羊年團年 甜在眼前 猴年開工 吉時輕鬆

　　新年之始，羊年之尾。羊年雖然有啲羊咩嘅慌失失、頭耷耷、不知何去何從，但若擇好日子團年大掃除等等，雖未能贏在起跑，也可以甜在終點。

 

 

酬神、大掃除

 

　　打算去還神的，可選新曆1月13日、舊曆十二月初四（星期三），甲午日，一柱木火，大吉。吉時可選早上九時半至十一時，這是進廟酬神的好時間，在家還神則可選最吉的酉時，即下午五時半至七時。哈哈，啱啱可以就到放工。（如果你咁好彩七時前走得！）

 

　　舊曆十二月初四去進香應該冇咁擠迫，若想盡量近歲晚才去的，可選舊曆十二月十六日，即新曆1月25日（星期一），丙午日，一柱是火，此日吉時最具彈性，由早上九時半至一時、下午三時半至子夜均可，晚上在家拜完神仲可以去「老蘭」蒲一轉，神人共慶!

 

團年

 

　　至於團年，都揀到D好日，可以sweet sweet過埋羊年。

 

　　最佳日子有二，方便要應酬夫家與妻家的人：新曆2月4日立春、即舊曆十二月廿六日（星期四），丙辰日，吉時為下午五時半至七時，或晚上十一時半，食晚飯頭輪有著數，否則宵夜亦可。

 

　　另一吉日為新曆2月6日、舊曆十二廿八日（星期六），戊午日，開飯時間又係最好下午五時半至七時，總之在這時段埋枱就得咧，唔係由五點半食到七點咁解。

 

　　若真要在羊年最後一日團年，揀年廿九（新曆2月7日）都得嘅，其實該日已過立春（新曆2月4日），原則上已入了猴年，不過年廿九可能氣氛好D，又係星期日，可以跟住玩足三日，雖非上吉，都算啦！

 

　　至於舊曆十二月，有冇一日一定唔得嘅呢？有，就係年廿五，新曆2月3日，為四絕日，嗰日絕對不能用！

 

開工

 

　　揀猴年開工吉日非常棘手，唯有用吉時補吓飛啦！

 

　　如本欄十一月中一文指出，年初一為破日，諸事不宜。年初二及三，五行分別為金及水土，都真係有D水土不服！年初四大部分打工族返工，雖然日支與月支合木，木可生火，但始終嫌日干尅年干，所以當日只宜做內部的部署，對外籌謀聯絡，暫時Hold住。

 

　　睇來睇去，都只有初五勉強可用，猴年用神為火，喜神為木，初五為甲子日，上木下水，以水生木。若用屬火時辰，以木生火，便可以營造一個較有利的格局。

 

　　因此初四初五，都要特別注意用吉時補救該日五行的不足。初四要用午時，即早上十一時半至一時。初五則宜用巳時，即早上九時半至十一時。

 

　　猴年開工，加埋吉日吉時，都未必夠秤。2016年的政治經濟形勢勁波動，大家坐穩艇咧。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【與拍賣官看藝術】畢加索的市場潛能有多強？亞洲收藏家如何從新角度鑑賞？► 即睇