愛人？浪人？哲人？

　　她的強項是戀愛──探索式戀愛，舉凡父女戀、姊弟戀、師生戀……等等皆奮不顧身地投入，每次當烈焰化為灰燼，就來找我包紮傷口。

 

　　她最新的對象是其跆拳道老師。

 

 

　　他是位慵懶的武者，第一次上課時，她心中嘀咕：

 

　　「你就算唔係宇宙最強、國家棟樑，都要似番個武士吖，點解會咁慵懶、咁不在乎嘅？」

 

　　她本想上完第一課便走頭，誰料下課時他竟然問她：

 

　　「女仔嚟講，你打得幾搏命噃。你做邊行㗎？」

 

　　「我做美容院sales嘅，靠把口。」

 

　　他竟然向她作了一個揖，說：

 

　　「咁你係君子，我係小人。」

 

　　「我肯定唔係君子，我揸刀嘅，雖然唔係去劈友，但D客唔放低十萬八萬，休想走人。不過，我希望你唔係小人。」

 

　　跟著他說了一個典故：

 

　　國畫大師張大千一次在筵席上偶遇中國京劇瑰寶梅蘭芳，張大千劈頭便向梅蘭芳說：「你是君子，我是小人。我敬你一杯！」

 

　　眾人，包括梅蘭芳在內，均甚忐忑，唯恐是甚麼地方得罪了他。這時張大千微笑解畫，意思是：「君子動口不動手，你在戲台上開口唱；我在家中動手畫，所以你是君子，我是小人。」

 

　　我朋友聽完這解釋，頓時感受到電視劇中那種民初的浪漫，又想到老師竟然注意到我，是不是對我有意思呢？如此胡思亂想，每次就帶著如鹿撞的芳心去上堂了。

 

　　這老師也真是異類，人家教拳的，就算是圓碌肥大，也會挺起大肚腩周圍威，他卻是永遠保持著hea的身體語言。

 

　　有學生注意到，在堂上問他。答案是：「你哋唔明白，如果成日劍拔弩張，張力有限，如果hea hea地，就好似條橡筋，一定係喺最鬆嘅時候，突然拉緊，先有最大嘅爆炸力㗎嘛！至於我點解成日企成咁，嘻嘻！係習慣咗，你哋唔好學！」

 

　　聽落去，有點哲理，又有點攪笑。

 

　　他還有另一金句，就是：「你個心唔好，拳一定打唔好！」

 

　　唔通佢，黃飛鴻上身？

 

　　唔係，理據並無道德高地，只是心理邏輯：「你個心急，就會未睇清形勢出拳，死在魯莽；你個心成日算人，有時以為睇到虛位，就會中咗對方陷阱，死在貪小便宜！」

 

　　我朋友常常被他偶爾的壯語豪情感動。

 

　　論愛，此事生死未卜……

 

　　論相，則早有定論。他那雙矇豬眼百分之九十九時候，好似瞓唔醒咁，百分之一時間精光暴現，如此深藏不露、精華內歛，肯定是世外高人、恐怖敵人，不過未知是否理想情人，因為視乎你的個性，你是澎湃的，會嫌他慢熱；你是含蓄的，根本可能冇嘢發生！要等他那小如一線的心窗打開，才可以情牽一線，嘿！堪等咧！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》說說心理急救：遇危急事故應如何面對？點樣正確提供情緒支援？講錯說話容易造成二次傷害！► 即睇