【扭轉逆境】不同的想法，一樣的搞笑！

　　Positive Thinking、Think out of the box、轉一轉正面想法，都有機會扭轉逆境。笑一笑吧！

 

　　醫生：「你個肝大咗喎。」

 

　　病人：「咁咪可以裝多啲陳年威士忌囉。」

 

　　Positive Thinking.

 

＊＊＊

 

　　營養師：「你嘅高度同體重不成比例噃。」

 

　　肥婆：「其實我擔心我高度多啲。」

 

　　「點解？」

 

　　「根據我嘅體重，我應該七呎六吋，啱啱係姚明咁高。嘿！點可以增高呢？」

 

　　真是另類思維，Think out of the box！

 

＊＊＊

 

　　顧客寫信給銀行：

 

　　「剛收到貴行寄回的支票，上面寫著現金不足，我想問：這是指貴行還是指我呢？」

 

　　信心爆棚，死雞撐！

 

＊＊＊

 

　　阿明拿起拖鞋，準備打曱甴。

 

　　曱甴對他說：「你好嘢就打死我吖，冇膽鬼！其實你好妒忌我，你最怕你老婆，你老婆最怕我！」

 

　　小強在極弱勢的情況下，仍能「攞彩」！

 

＊＊＊

 

　　太太對酗酒的丈夫下終極戰書：「我已經忍無可忍咧。你一係戒酒，一係離婚。酒同我，只可以揀一個。」

 

　　「太太，你真係為我設想！」

 

　　「你知就好啦。」

 

　　「你呢個Offer我等咗好耐，多謝你放我一條生路，嚟，我地飲番杯散水酒！」

 

　　情況再惡劣，有得揀好過冇得揀！

 

＊＊＊

 

　　職員請假。

 

　　「公司忙到飛起，你請乜鬼假？」經理問。

 

　　「我老婆叫我番屋企幫手打掃、湊仔、煮飯……。」

 

　　「唔准！」

 

　　「多謝晒，唔該晒。」

 

　　借力打力，用一個老細壓另一個老細！

 

＊＊＊

 

　　富太一：「如果你老公有小三，你會點？」

 

　　富太二：「隻眼開隻眼閉囉。」

 

　　「咁高道行？」

 

　　「我係用槍瞄準佢呀！我係業餘射擊冠軍，佢一係交錢、一係交人。」

 

　　女人，可以臨危不亂，狠辣了斷！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》 消費能獲取快樂？買不起，不如花光錢錢$$？「習得性無助」有何影響？一起看看正確理財觀念。► 即睇