2015-11-13Text: Elize Chan
《米芝蓮2016》街頭小食超級攻略：雞蛋仔、港式滷味、外國風味篇
韓風簡食－Kelly's Cape Bop
位於莊士敦道街角的Kelly's Cape Bop開業近一年半，老闆娘是韓國人，由於令女兒Kelly身在overseas都可嘗到每個韓國家庭常吃的食物，老闆娘經常為女兒親手做KimBap。因此店家售賣的KimBap及其他小吃全都要一個個lunch box裝著，而且標榜健康。
韓式炸雞 $50
網友肥髀媽：炸雞唔係平時脆口嘅，係似汁燒濕濕地，啲汁唔辣，甜甜地，雞肉嫩，好味，仲有兩條煙韌年榚，同埋兩條紫菜卷！沾滿甜醬汁，好味！
牛肉飯卷 $50
網友bageladdiction：飯卷與一般傳統飯卷略有不同，每舊kimbap的體質均是巨人size，共有6整舊加頭尾，內容豐富，除牛肉外，配料有紅蘿蔔，青瓜，醃蘿蔔，牛蒡，蕃茄及蛋。kelly家的牛肉味假如能略作調味，可能會令出來效果更好。在韓國吃過的飯卷麻油香是非常突出的，紫菜內外均掃上麻油， kelly的麻油香雖然不濃，但吃下感覺輕盈無負擔，加上其蔬菜餡料都新鮮爽甜，為整個飯卷挽回不少分數。
Kelly's Cape Bop
地址：灣仔莊士敦道57號地舖
營業時間：星期一至日: 11:00-21:00
正宗泰味－迦南泰國小食
北角迦南泰國小食開業4年，店內只有3張小桌，以冬蔭功湯粉、蝦醬炒飯聞名，由一對泰國姊妹親自打理，老闆Nida指出，食材皆由泰國入貨，坦言「從來無諗過入圍」，可惜因其腳部不適，下月底租約到期後便會結業，市民要嘗泰國地道美食就要快手。
冬陰公湯金邊粉 $47
網友hkfoodom：冬陰公湯味道非常濃郁，酸酸辣辣的，感覺刺激得來又非常惹味，更有三隻大蝦，用料十分慷慨，想不到這小店竟能做出這麼正宗的泰國冬陰公湯呢！金邊粉的份量也不少，我邊吃邊流汗，因為味道實在太濃郁，辣味直攻身體每一部份！
泰式炒金邊粉 $47
網友lizabeth：個粉炒得夠乾身，亦好足料，都有幾多蝦下，啲蝦重好新鮮mad已經好味過好多泰國菜館!!!加埋佢俾嘅醬汁令到味道更突出，更加酸甜美味，連埋香脆可口嘅花生碎就好好好味！
迦南泰國小食
地址：北角渣華道72號地下D2號舖
沙嗲串燒風味－蘭英印尼小食
從不遠處走來，已看到一條長長的人龍，小小的一家鋪位有如此威力，能吸引到不少街坊和食客，其食物質素，相信也不用懷疑，這裡主打燒烤，串燒方面，選擇十分多，也有飯類供應。蘭英最出名就係沙嗲醬，真係無得頂。質地杰身，入面仲有一粒粒粗粒花生，食落口感豐富。
串燒黃飯 $32
網友hey.food.here：沙嗲味好濃郁，小辣辣度都幾夠，食落超惹味。只可惜唔可以係咁加，唔係撈飯都一流。 花枝丸燒得皮脆卜卜，咬落彈牙；墨魚味濃郁。不過裡面墨魚肉唔算多。 豬頸肉燒得岩岩好，爽口又唔會太鞋。配上黃薑飯同沙嗲汁，非常滋味。
巴東牛肉飯 $32
網友架架麵：肉甚豐富，入口煙韌而有咬口，頗辣的，好辣的朋友要點這個！
蘭英印尼小食
地址：九龍城福佬村道92-94號
營業時間：星期一至日 11:00-00:00
下頁介紹米芝蓮推介新派美式小食店
《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。
【香港好去處】etnet全新頻道盛大推出！全港最齊盛事活動資訊盡在掌握！► 即睇
