神醫食療心療貼士

　　上期提及一位頭圓鼻圓、眉開眼笑的神醫。

 

 

　　他有一套簡明的人生哲學，又有一系列飲食指引，自己身體力行，端的是個成功人板。

 

　　神醫皮光肉滑，健壯如牛。朝九晚十，做極都唔殘，我地病人等個幾個鐘才得他指引，已經累哂，他則仍然識笑，仍然講笑！

 

　　在此與你分享他的醫身醫心小貼士：

 

　　一﹒他吃得簡單專一，青菜最好選菜心，水果兼吃蘋果橙，肉類單挑豬肉，魚類避開冇鱗品種。他常對病人說，要補不用魚翅燕窩、人蔘鹿茸。一味陳皮瘦肉湯，溫補清潤，橫行江湖，太子都食唔壞。又平民化又易煲，可以日日飲，人人飲。

 

　　煲法如下：

　　準備豬月展或瘦肉半斤或十兩、陳皮半個。

　　豬肉先去肥膏，陳皮則沖一沖水。

　　兩者放煲內，水滾後慢火煲一小時。

　　煲好去油飲用。

 

　　這份量可供二至四人用，可落少許鹽調味。

 

　　二﹒他反對OL飲廿四味涼茶，因為他認為這是給勞動人民飲的。

 

　　他又勸人不要無啦啦矇查查去飲五青汁菜汁等，因其性寒涼，不是人人受得。

 

　　一次他正替我針灸，突接病人來電。

 

　　「你乜事？」他問。

 

　　「胃抽筋。」

 

　　「食左乜？」

 

　　「生榨菜汁。」

 

　　「哎呀！咁涼。唔好講喇，上嚟攞藥啦。」跟住立即指揮人煲藥。原來病人是男的，才三十多歲，都食壞咗個胃。

 

　　三﹒至於養生哲學，則仍是八字真言：「四肢發達，頭腦簡單」四肢發達即運動、步行、旅行。頭腦簡單即將生活化繁為簡。

 

　　四﹒談到人生規劃，他主張永不言休。「我老豆一退休就死咗，所以我會做到死前一刻！」

 

　　大家不妨選擇性吸納其智慧，學得幾成都可能好似佢咁，笑容滿面，能量爆燈！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇