【唔使頭痕】零reach制度下，教你3招對抗facebook

　　「一手交錢、一手交reach」愈來愈令人頭痕，因為當間間公司都落advert嘅時候，之後延伸嘅問題就係advert錢會慢慢地貴起來，同一個budget嘅錢就愈來愈唔見使。上回提及過零reach後嘅影響，同埋之後可能出現一啲另類收費模式嘅社交平台。除此之外，content 嘅角色亦變得重要。

 

 

Solution Based Content

 

　　零reach後又唔想使太多錢買reach，其中一個最直接方法就係做好content，以有質素嘅content 贏取網民一個like、一個share。但說易做難，加上今時今日單一個好嘅獨立content，只能帶來單一嘅noise，未能將長久地延伸到不同平台、不同情況。而且網民對content愈來愈敏感，好嘅內容能夠改變網民嘅消費取向，所以content 嘅製作開始要變得更加精準、更加有策略性。喺上一次講座中，提及solution based content 呢個概念，以文案內容作工具來解決問題，製作一系列有意思、富策略性、持續性、分流性嘅content，於適合嘅平台／工具分階段推出，為公司不同嘅marketing objective 作解決方案。其實類似嘅策略近年已經慢慢興起，亦相信係「零reach」後其中重要嘅一環。

 

KOL嘅重要性

 

　　喺呢個「零reach」嘅初期，有質素嘅KOL應該會變得更為重要。公司同樣要使錢落advert，但對比起買reach，畀錢KOL相對地會帶來更好嘅ROI ，因為落advert時就算你 targeting set 得幾好都好，Facebook總會派咗啲非香港人，或者係一啲你唔想要嘅人畀你，呢啲「水份」喺Facebook 上市後愈嚟愈嚴重。但相反，KOL嘅fans base已經係一班篩選咗嘅segment，喺佢哋嘅social page或網頁出post落advert，能夠減低「水份」，正中紅心。所以如果KOL 有一班有質素、冇水份嘅fans的話，對ROI 嚟講會較為有幫助。

 

小遊戲送大禮物

 

　　雖然早年大家玩Facebook 遊戲已經玩到爛，所以近年好少見到小遊戲出現，但因為零reach嘅關係，可能Facebook遊戲又會回歸。遊戲／獎品能夠帶來高 engagement 之外，仲可能引來回響。假如品牌公司喺遊戲中送出一部約值一萬蚊嘅 iPhone X，相信可能換來嘅效果會比起落一萬蚊advert 更好。唔好理網民玩遊戲時對內容係真心定假意，但實實在在真係帶來咗強勁嘅awareness。當然，遊戲嘅「有趣度」同「頻密度」都好重要，如果個個星期都推出啲沒趣遊戲，只會引來反效果。有時候，間中玩下得意小遊戲，對網民嚟講其實係有趣嘅事。

 

　　雖然Facebook話將來未必一定推行「零reach制」，但相信推唔推行都好，佢都會搵方法賺品牌公司錢。如果我哋marketer或者廣告人都唔為將來作準備，我哋就會成為Facebook賺錢背後嘅犧牲品。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇