【鐵飯碗的苦】政府工還是「正苦」工？「老屎忽」金句連連逼得下屬爆煲

　　「政府工」是不少年輕人才、大學畢業生心目中的筍工。有人認為政府工人工高、福利好，而且OT機會少、大假多。最近，有自稱公務員的網民在討論區大呻，政府工絕無坊間想像般「筍」！

 

　　做「正苦」工，EQ低啲都唔掂！

 

　　發文者在帖文中大吐苦水，指其上司和下屬的態度皆甚為惡劣、毫無團隊精神，使他的工作掣肘重重。

 

　　該名打工仔力數上司是典型「老屎忽」，經常拋出以下「金句」︰

 

　　「我唔理，我點都要今日要！」（當自己皇帝？）

　　「我都無咁講過。」（今天的我打倒昨天的我）

　　「好容易啫，咁都做唔到？你同我放工前搞掂佢！」（奉旨要下屬OT？）

 

　　事主又指不只老細「難頂」，連其下屬都十足「港女」一樣：

 

　　叫佢打字？「唔好意思，我唔係打字員。」

　　叫佢Filing？「我Job duty無Filing呢樣嘢！」

 

　　網民：「乜嘢工都係有辣有唔辣！」

 

　　對於發文者提出的「正苦工」論，一眾網民的反應兩極。有人認為事主小題大做，並為政府工平反：「份份工都有呢類人，睇你好唔好彩」、「政府工每年跳Point加人工，勝在透明嘅人工制度」、「最正嘅福利就係：基本上唔會炒人」。政府工雖是穩穩陣陣的「鐵飯碗」，但仍有網民批評其人工、福利制度不復從前，「轉咗制之後，好多舊制福利都無咗」、「新制已經取消長俸」、「政府工跳Point幅度不大，又無雙糧、花紅」。

 

　　到底公務員是否真的「好做」？對於一眾初出茅廬的年輕人來說，穩定性高的公務員的確是相當具吸引力的「筍工」。不過準畢業生在投身社會之前，宜先做好職涯規劃、評估個人性格，以免浪費畢業後的黃金階段。

 

　　有網民指老闆提出升職但條件Mean爆，令她苦惱應否答應。究竟面對升職機會，打工仔須考慮哪些因素？

 

Source: CTgoodjobs

• 

【與拍賣官看藝術】畢加索的市場潛能有多強？亞洲收藏家如何從新角度鑑賞？► 即睇