節日分身術

　　他很忙，工作忙，感情更忙。身邊有一大一小──一正牌女友A，一小三B，又到年底分身術時候。

　　「喂，聖誕新年你點安排先？」我帶點壞的說。

　　我感興趣的當然不是他的節日活動，而是平時幸福如他年底有多忙，嘿。

「平安夜，聖誕要交人呀，費事俾人懷疑啦。」他笑笑，「Boxing Day應該可以搵個借口同B sweet下嘅。」

　　大時大節要跟正印A交人，還好他深明這個道理，要偷食當然要玩得小心，作個理由翌日陪第二個，他遊刃有餘啦。

        年底一連串的節日，全都安排好了嗎？如果情人多過一個，緊記要及早計劃，分配時間，還要mark schedule，保證不會亂不會錯。

「時間分得勻唔勻先？」我繼續偷笑。

「唉，每年到呢啲節日都特別煩，兩邊都要陪，我分身不暇啦。」

　　齊人之福不易享，平安夜、聖誕、Boxing Day、緊接著的跨年倒數、新年，節日就只有這幾天，陪到一個就陪不到第二個，記住要準時交人，交足戲，不能讓正印懷疑，又要預留時間安撫小三。平時開心，大時大節就雙倍奉還，是煩惱還是甜蜜的負荷？

　　節日分身最難，一個不小心會被正牌女友發現，小情人也隨時爭風呷醋，幸好B知道自己是小三，至少懂得進退，知他要陪A就不會打擾，要小三，一定要個如此體貼的她。

　　且慢，女人始終要陪，我還是勸他勤練分身術，再一人包辦兩項節目、兩份禮物、兩次慶祝，全部double上，別喊辛苦呀，誰叫你時間多，一個女朋友還keep住一個小情人，嘿。

　　溫馨提示──有多過一個情人以上的人記得大時大節安排好節目，確保今日見這個，明天順利見下個，節日能平安渡過。