情挑業主包養

　　做業主做到像他般，迎來一位又騷又主動的熟女租客，嘆了。

　　「呢排成日收到……」他欲言又止。

　　「咩正嘢？」我偷看他電話：「吓，你同個租客flirt呀？」

　　「我同佢之前只會WhatsApp傾間屋嘅嘢，呢排佢主動send相……」

　　那女租客接連WhatsApp好幾張自拍相給他，雖然我真的聽過有女人歸咎「手機壞壞哋，會自動亂send相俾人」，講完你都不信啦。

　　「有暗示喎！」

　　「佢仲問我佢正唔正，做小三有得傾……」

　　照片不簡單，他已由收到她濃妝艷抹、電眼唇開的自拍照，進化為超低胸吊帶，最近一張更是身穿黑色透視性感內衣，露半球。他已婚，她知情，業主 and 租客配這種情況，更見曖昧、特別、故意。

　　「食唔食得落先？」我認我是男人思想。

　　「近5張失婚嘅超熟女啦！」

　　Oh，熟女也有market，熟女也能求包養，只要有錢，主動這回事無分年齡。反正阿租客單身寂寞，就手有個相熟的業主，用僅餘的姿色盡地一煲、豁出去曖昧情挑、send幾張性感裸露的自拍照又沒甚麼成本。你不OK，就繼續轉發，總會有男人上吊吧？約到打友誼波又好，博張長期飯票更好，撘上隨時食住無憂，計得過吧！

　　「咁佢差唔多要急住上岸啦。」我忍不住邊笑邊把電話拋給他。

　　免錢交租，主動肉償的包養包住，deal or no deal？