高鐵開通啦！你準備好捕捉「動感」未？

　　高鐵星期日(21日)就通車啦！各位讀者有冇買定張飛試「頭啖湯」呢？Jenny細細聲話畀大家知，小妹都搶到通車首日嘅車飛呀！想知高鐵嘅真面目？就記得Mon實下星期一嘅「言歸政傳」喇！

如何可以搭上傳說中嘅列車?

　　全人類都知香港政府為咗高鐵，委託咗港鐵公司去採購高速動車組，仲要係搵咗為港鐵度身訂做、大陸唯一一款出口型高速動車組添！港鐵亦都為咗佢搞返個命名比賽，聽講係由一個12歲仔起㗎！「動感號」呢個名就咁誕生喇！

　　不過，小妹在此都要講返個殘酷嘅現實畀大家知，就係即使係喺香港西九龍站搭嘅高鐵，都未必架架都係「動感號」嚟㗎！想搭上呢架傳說中嘅列車，就要做定功課喇！今次小妹就幫大家預備好資料喇，大家隨便拎去啦！唔使客氣！

完整版短途車班次表->按此 ;長途車班次表->按此