【時代智慧】成語新解，轉數要快！

　　隨住「時代」發現，不少成語都有了新註解！即刻睇下！

 

一物二用

 

　　大家無論在屋內屋外，務必戴口罩，一來防菌；二來防吃。兩者皆有益健康，有利市容。

 

恩將仇報

 

　　言情小說和粵語殘片中，落難美女常對恩人說：

 

　　「小女子無以為報，唯有以身相許。」

 

　　但以感激換感動，都要看對象。

 

　　遇上俊俏郎君，當然是現世相許。

 

　　遇上阿茂阿壽，就下世兌現，變了：

 

　　「小女子無以為報，唯有來生效犬馬之勞。」

 

　　但其實恩人也有選擇的，關校期間，少女網上學習追不上，其兄長找了同學來為她免費補習。

 

　　學妹愛慕這男生已久，一日忽然說要以身相許。

 

　　男生對她說：

 

　　「冷靜啲！有條件嘅女仔，叫以身相許；少啲條件嘅，咁叫恩將仇報。你若覺得無以為報，可以送新款手機算數！」

 

兩全其美

 

　　老夫老妻，太太痾嘔咳嗽，丈夫帶她去做新冠肺炎檢測。

 

　　兩日後，丈夫接到醫生電話：

 

　　「非常抱歉，護士將你太太同另一病人嘅檢測報告調亂咗，我無法決定究竟係新冠肺炎定係老人痴呆。」

 

　　「咁點算呀？」

 

　　「簡單。你帶佢去行山，去遠啲，如果佢識番屋企，你就唔好開門畀佢。」

 

　　「吓！咁絕？」

 

　　「我意思係叫你做好一切安全措施，立刻送佢入院，唔好畀啲病毒入屋。」

 

代代相傳

 

　　疫情後經濟萎縮，失業飆升，一男子本來已好食懶非，在災情中首先被裁員，他失意地跟老爹商量：

 

　　「老豆！我冇咗份工，想搬番嚟屋企住。」

 

　　「冇問題，不過你知間屋只得三百呎，會迫啲。」

 

　　「唉！老豆，如果你後生時捱吓，賺多啲錢，我哋就會住間大屋，我就係富二代啦。」

 

　　「如果你而家捱吓，你個仔夠可以做富二代咯！」

 

　　「車！我做乜要咁辛苦，益佢呀。」

 

　　「嘿！父子同心，我當年都係咁唸。」