高質餃子店登陸太古！必試人氣蟹粉、海膽、黑松露、拉絲芝士餃！日本麵粉手擀皮、即點即包皮薄餡靚！

 

　　新開的餃子店叫「餃子駅」，餐廳裝修以和風車站為主題，入進去會發現不少日本車站裝飾，好像卡位是模仿日本火車車卡的設計，而數到最適合打卡的位置，絕對是餐廳門口的車站牌，只要發揮一下幻想力，就猶如踏上一趟日本火車之旅……

 

數數手指，多少個月未有見過日本火車車站牌呢？真的要打卡打到夠本！

餐廳除了不惜工本選用優質麵粉，還堅持每一隻都是人手製作，好難得！

 

日本麵粉手擀餃子皮

 

　　打開餐牌，一共有12款口味供選擇，既有經典又有新派和素菜款式，一定揀到心水。吃餃子，最忌皮太厚、粗嚡和糊口，這裡的餃子皮特別選用日本麵粉製作，日本產麵粉質地較幼細，做出來的餃子皮份外細滑；加上大廚採用特製擀皮用、兩頭尖設計的麵棍擀餃子皮，搓出來的皮邊位較薄，又帶煙韌感。當然啦，吃餃子首重新鮮，這裡做的強調即叫即包即煮，就是製作餡料的食材都堅持每天早上才送到店中，即日醃味製作；即包即煮出來的餃子，皮薄餡靚，材料味道鮮活突出；但款式咁多，揀邊款好？

 

下頁睇必試口味推介

 

　　12款餃子口味中，即有白菜豬肉餃、韭菜豬肉餃等傳統口味，更多是新派口味，好像人氣的蟹后蟹粉餃、招牌海膽餃、黑松露松茸豬肉餃等；新潮口味就有大走韓風路線的泡菜豬肉餃和芝士蛋粟米餃；想開胃一點，不妨試試酸蘿蔔雞肉餃！

 

鮮味十足！蟹粉餃、海膽餃

 

　　第一次到來，打開menu，相信最吸眼球的必是「蟹后蟹粉餃」和「招牌海膽餃」。蟹粉餃標榜採用全母蟹粉和蟹肉炮製，味道甘香豐腴，又帶蟹肉鮮甜味；一咬開就知道沒有偷工減料！而海膽餃一樣令人滿意，一捧出來脹卜卜，餡料是海膽混和豬肉，鮮味中帶肉的甜香，好幸福啊！ 

 

人手擀的餃子皮果然「零舍不同」，看看有多薄，還有鮮甜的肉汁！

蟹后蟹粉餃 $68/6隻；$95/9隻

另設煎餃 $74/6隻：$101/9隻

每一粒餃子都好飽滿，不用放入口都知道足料！

招牌海膽餃 $68/6隻；$95/9隻 

 

煎餃必試這款！黑松露松茸豬肉餃 

 

　　另一款 「重頭戲」就是黑松露松茸豬肉餃！還未放入口已經聞到菇菌香，咬開一半就嘗到濃濃的松露味，好正！如果想吃得更滋味，我極力推介大家試一試煎的黑松露餃子，外皮煎得香脆，而松露內餡煎過後，香氣變得更濃郁、更惹味，包你一試愛上！

 

黑松露松茸豬肉餃（灼餃）$65/6隻；$92/9隻

黑松露松茸豬肉餃 （煎餃）$71/6隻；$98/9隻

 

新潮之選：泡菜豬肉餃、芝士蛋粟米餃

 

　　餃子是傳統料理，坊間常見的口味都是芹菜、白菜或是韮菜搭豬肉，而這裡就有大玩韓風，用泡菜混合豬肉做餃子！唔使試都知兩者極匹配！泡菜不會過酸，而且不會太碎太腍，帶點口感，好吃！如果你是「芝士控」，就不能錯過芝士蛋粟米餃！餐廳加入了兩款芝士作餡料，分別是巴馬臣和馬蘇里，芝味好濃郁，作為「芝」心愛好者的我，一個人可以整碟幹掉！碰啱火候剛好，夾開餃子還有拉絲效果！

 

泡菜豬肉餃（灼餃）$43/6隻；$59/9隻

這款芝士餃新鮮捧出來的時候軟腍腍，大家夾起的時候要輕力點！

拉絲芝士蛋粟米餃（灼餃）$43/6隻；$59/9隻 

 

夏天開胃之選︰酸蘿蔔雞肉餃 

 

　　天氣悶熱想開胃一下，可以點新推出的「酸蘿蔔雞肉餃」。餃子不用豬肉來作主角，反而用雞肉；老實說，編者開初擔心味道會偏淡，不過大廚巧妙地加入酸蘿蔔來作配搭，吃起上來反而是酸中帶甜，有驚喜！酸蘿蔔除了為味道昇華之外，亦增添了咬口，真係好開胃。

 

雖然加入了酸蘿蔔，但是整體餃子的味道都是偏甜一些。

酸蘿蔔雞肉餃（灼餃）$43/6隻；$59/9隻 

 

同場加映︰全新麵食 + 養生茶品

 

　　齋吃餃子略嫌不夠飽肚的話，可以試試餐廳的麵食，編者最愛的就是「酥炸排骨湯麵」，最值得一讚的就是它的酥炸排骨，夠大塊；同樣是即點即製，捧出來熱騰騰，外皮炸得卜卜脆，肉質又不會「乾爭爭」，食肉獸定必喜歡！湯底和麵都一樣正，經典的昆布粟米湯夠香濃，而麵條軟硬適中亦夠煙靭；不好炸物的都可以另試麻香惹味的「擔擔湯麵」和濃惹的「京式炸醬拌麵」。這個lunch，也太多選擇吧！

 

酥炸排骨湯麵 $51

擔擔湯麵 $48

京式炸醬拌麵 $48 

 

　　飲品呢？餃子駅有一系列養生茶，好像玫瑰花果茶、桂花國寶茶和蕎麥保健茶，夏天喝一流。

 

養生茶品 $28

玫瑰花果茶 （左）

蕎麥保健茶（中）

桂花國寶茶（右）

 

餃子駅（太古分店）

 

地址︰太古城道18號太古城中心315號鋪

電話︰2368 6698

營業時間︰星期一至日 11am – 9pm 

付款方式︰現金或八達通