193@ERROR 自封「ViuTV洪天明」

　　【晴報專訊】「宇宙天團」ERROR成員郭嘉駿（193）昨日出席ViuTV節目《晚吹-戀講嘢》記者會，193表示︰「希望節目變成長壽節目，確保自己有穩定曝光。我唔係鬧公司，但咁耐以嚟我都無一個屬於自己嘅節目，所以都想有。我係『ViuTV洪天明』，成日客串節目！」提到樂壇頒獎禮將至，問193對新人獎有否信心？他斷言沒有，但看好「同門兄弟」、MIRROR成員呂爵安（Edan）。而組合獎方面，193繼續發揮搞笑本色︰「梗係無機會啦！總之一日有MIRROR，我哋都唔會有機會。我唔期望MIRROR 12個人突然唔見晒，但希望佢哋快啲賺夠、攞晒金獎早啲退休，咁我哋就有機會。」

193透露將拍攝新劇。

　　另外，有傳193妹妹郭嘉盈於《全民造星IV》中被淘汰出局，他直言替妹妹擔心︰「始終佢唔係多才多藝，又唔夠靚，所以我同媽咪都有啲擔心。」但他透露將與胞妹合作拍廣告，並笑言︰「想睇下佢喺呢行有無發展機會，我都想同樂小姐（樂易玲）傾下要唔要佢㗎。」

193與妹妹感情要好，早前開騷亦獲對方到場支持。