《開市Ｇｏｏｄ　Ｍｏｒｎｉｎｇ》林家亨明分析ＡＩ相關股、車股

　　《開市Ｇｏｏｄ　Ｍｏｒｎｉｎｇ》陸家嘴科林今開幕，香江魚缸跟炒，尾市爆升最多
５３３點，衝高至１８４４８點，最終收升５１４點，報１８４３０點；不過成交唔算太配合，
大升五舊幾都係得千一億銀成交，量價唔算好同步係凶兆？魚缸今雖修復失守近一個月嘅廿天線
，但基本面未增強，不宜過分憧憬企得穩？中證監公布推出「科創板八條」，魚缸中沉寂一時嘅
ＡＩ相關股終於借到東風彈升，當中美圖（０１３５７）久違地收升近９巴仙，不過日內高位
２﹒７４銀仲未修復到十天線（２﹒７４９銀），現價屬過分憧憬新ＡＩ產品嘅利好因素？點判
斷短影片創作產品未來嘅增長空間？
　　國家力谷發展新質生產力，新能源車產業所面臨的機會與挑戰係點樣？若想加速產業轉型升
級，都要先有穩健財力基礎，變相僅龍頭有條件受惠，造車新勢力未咁快參與到發展新質生產力
？外電指法拉利首款電動車售價逾５０萬歐紙，預計出年後期推出；但同檔次嘅保時捷電動車
Ｔａｙｃａｎ都只係賣緊１０萬歐紙，唔通孖屐肯為法拉利嘅引擎聲，畀多四倍價錢咩？
　　聽日（２０日）《開市Ｇｏｏｄ　Ｍｏｒｎｉｎｇ》搵嚟國農證券董事總經理林家亨，同大
家分析上述股份、大市走勢，當然唔少得當日嘅焦點股！歡迎大家提問投資及其他股票問題。記
得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　
Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ
╱ｗａｔｃｈ？ｖ＝ｙ０ｐ８ｆｋＷ０１５ｇ打個卡先又得！